Protestuesit i kanë bërë sërish thirrje kryeministrit Rama të jap dorëheqjen, pasi ata nuk do të zhvillojnë një dialog me të. Mijëra qytetarë janë mbledhur para ambienteve të Kryeministrisë, ndërsa kërkojnë anulimin e projektit të Zvërnecit dhe atë të Rrjollit.
Gjatë tubimit janë shfaqur pankarta të shumta me mesazhe ku shkruhej “Zaptuan Shqipërinë”, “Vlora ka historinë e sakrificës, jo çmim për t’u shitur”, “Anulo projektin” dhe “Jep dorëheqjen”. Një ditë më parë, mijëra qytetarë u mblodhën fillimisht pranë Ministrisë së Brendshme dhe më pas marshuan drejt godinës së Kryeministrisë, duke bërë thirrje se Shqipëria nuk është në shitje.
Të lidhura
None found
Protestuesit kërkojnë anulimin e projektit të ndërtimit në zonën e Zvërnecit, duke e cilësuar atë si ndërhyrje në një zonë të mbrojtur dhe duke akuzuar qeverinë për favorizim të interesave private në dëm të pronës publike. Nga ana tjetër, ata pretendojnë se investitorë të ndryshëm po përfitojnë nga toka shtetërore në mënyrë të padrejtë.
