Protesta e 5 shtatorit është pjesë e serisë së organizimeve të udhëhequra nga studentët në Serbi, të cilët protestojnë kundër keqmenaxhimit qeveritar.

Protestat janë nxitur pas rrëzimit të një strehe betoni në stacionin hekurudhor të Novi Sadit në nëntor të vitit të kaluar, duke lënë të vdekur 16 persona. Protestuesit kërkojnë nga institucionet përgjegjësi politike dhe penale për këtë rast.

Ata besojnë se ka pasur korrupsion në projektin e rindërtimit të stacionit. Ndërkohë i kanë rritur kërkesat, duke kërkuar zgjedhje të parakohshme.

Organizimet kanë qenë kryesisht paqësore deri në mesin e muajit gusht kur protestuesit i kanë akuzuar zyrtarët policorë për taktika të ashpra kundër protestuesve.

Në protestën e së premtes janë përsëritur thirrjet për zgjedhje të parakohshme.

Disa agjenci lajmesh në Serbi kanë raportuar se protestuesit kanë hedhur shishe dhe gjësende tjera në drejtim të policisë.

Presidenti serb, Aleksandar Vuçiq i ka akuzuar protestuesit se kanë tentuar të “kërcënojnë stabilitetin dhe sigurinë e Serbisë” dhe “t’i zaptojnë objektet universitare në Novi Sad”.

Ai ka thënë në një konferencë për media se 11 zyrtarë policorë janë plagosur në hyrje në Fakultetit Filozofik.

Sipas tij, dhjetëra persona janë arrestuar dhe disa prej tyre do të jenë në mbajtje.

“Njerëzit në Serbi duhet ta dinë se shteti është më i fuqishëm se cilido, dhe që kështu do të jetë gjithmonë”, ka thënë presidenti serb, duke paralajmëruar se marshe pro Qeverisë do të organizohen ditën e diel.

Të hënën kanë marshuar mijëra njerëz në Beograd, Novi Sad dhe qytete tjera për të shënuar 10 muaj prej tragjedisë në Novi Sad.

Vuçiqi i ka hedhur poshtë kërkesat për zgjedhje të parakohshme dhe i akuzon protestuesit se janë të nxitur nga faktorë të jashtëm.

Partia e tij, Partia Përparimtare Serbe, është në pushtet prej vitit 2012./REL

The post Kërkojnë zgjedhje të parakohshme, Policia shpërdan me dhunë protestuesit në Novi Sad appeared first on Albeu.com.

“Ju që rrini në radhë për të takuar kriminelin Rama, nuk jeni shqiptarë. Shqiptarët e vërtetë janë këtu që protestojnë kundër një narkoregjimi. Hajdeni këtu, bashkohuni me shqiptarët!”, ishin disa nga thirrjet e shqiptarëve opozitarë ndaj qeverisë Rama në protestën e organizuar në Londër.

Me pankarta në duar dhe nën masa të rrepta sigurie opozitarët po protestojnë para sallës ku pritet të mbahet takimi i kreut të qeverisë me shqiptarët.

“Poshtë Edi Rama! Rama ik! Hajduta! Rroftë Sali Berisha!” Janë disa nga thirrjet e tjera të protestuesve opozitarë në Londër.

Demokratët kundërshtojnë takimin e Ramës me diasporën në Londër, pasi sipas tyre ai është shkaktari i largimit të shqiptarëve nga vendi. Në një lidhje me Andi Nurajn, kreu i PD-së së Londrës, Shkëlzen Rustemaj, e cilësoi përndjekje dhe intimidim takimin e kryeministrit me bashkatdhetarët.

Kjo është hera e tretë që kryeministri Edi Rama është pritur me protesta gjatë takimeve me diasporën. E para ishte në SHBA, ndërsa për herë të fundit u prit me protesta në Selanik.

The post “Shqiptarët e vërtetë janë këtu”/ Protestuesit thirrje pjesëmarrësve të takimit të Ramës: Na u bashkohuni appeared first on Albeu.com.

Demonstruesit kërkuan që kryeministri Benjamin Netanyahu t’i japë fund luftës në enklavën e rrethuar dhe të shkatërruar palestineze në mënyrë që të arrihet një marrëveshje për shkëmbimin e pengjeve për të burgosurit palestinezë në burgjet izraelite.

Demonstrata e djeshme ishte më e madhja që nga fillimi i konfliktit të armatosur.

Lufta Izrael-Hamas shpërtheu më 7 tetor kur krahu ushtarak i lëvizjes islamike palestineze nisi një bastisje të paprecedentë në sektorët jugorë të territorit izraelit duke vrarë 1,194 njerëz, kryesisht civilë.

251 persona të tjerë u rrëmbyen, nga të cilët 116 mbahen ende peng në Rripin e Gazës, por 41 besohet të jenë të vdekur, sipas ushtrisë izraelite.

Në hakmarrje, forcat e armatosura izraelite kanë nisur operacione në shkallë të gjerë në Rripin e Gazës që kanë vrarë të paktën 37,296 njerëz, shumica prej tyre civilë, sipas të dhënave të ministrisë së shëndetësisë në enklavën e sunduar nga Hamasi.

https://x.com/selimoluR/status/1802067858140127558

The post Protestuesit mbushin rrugët e Tel Aviv, mobilizimi më i madh që nga shpërthimi i luftës me Hamasin appeared first on Albeu.com.

Sipas OVD-Info, një organizatë që monitoron trazirat, arrestimet u bënë kryesisht në Kazan, në Rusinë qendrore dhe në kryeqytetin, Moskë.

Organizatat joqeveritare sqarojnë se gjasat janë që numri të rritet ende.

Vladimir Putin po kërkon të forcojë kontrollin mbi pushtetin përmes zgjedhjeve që po mbahen në ditën e tretë në Rusi dhe që sipas të gjitha gjasave, do t’i japin atij një tjetër mandat 6 vjeçar.

Megjithatë kundërshtarët e tij dhe kritikët e regjimit të Kremlinit po bëjnë përpjekjet e fundit përmes thirrjeve për protesta masive.

The post Protestë për zgjedhjet presidenciale në Rusi, të paktën 74 persona të arrestuar appeared first on Albeu.com.

Duke nisur nga Hyde Park Corner, në qendër të kryeqytetit britanik, demonstruesit në prani të forcave të shumta policore do të përfundojnë marshimin e tyre përpara ambasadës amerikane, ku është ngritur një skenë për fjalime. Duke mbajtur flamuj palestinezë, turma thirri “Liri në Palestinë” dhe bëri thirrje për një armëpushim të menjëhershëm duke denoncuar më shumë se 30 mijë vdekjet e shkaktuara nga sulmet izraelite, sipas zyrtarëve të Autoritetit Palestinez.

Disa mbanin pankarta që lexonin slogane të tilla si “Stop luftën në Gaza” ose “Stop genocidit”. Policia, e akuzuar nga disa politikanë në krahun e djathtë të partisë konservatore në pushtet se u shfaq pajtuese me protestuesit, siguroi se ata do ta bënin punën e tyre “pa frikë” dhe do të qëndronin “të pavaru e të paanshëm” duke mbrojtur të drejtën demokratike në demonstrim.

“Këto demonstrata po kthehen në marshime urrejtjeje kundër Izraelit dhe ne mendojmë se mjafton,” u ankua Itai Galmandi, një organizator i një kundër-demonstrate në Londër sot, siç raportohet nga agjencia e lajmeve PA.

The post Mijëra njerëz protestojnë në rrugët e Londrës, kërkojnë një armëpushim të menjëhershëm në Gaza appeared first on Albeu.com.

Familjarët e izraelitëve të cilët mbahen peng nga Hamasi kanë akuzuar kryeministrin Benjamin Netanyahu për pengimin e negociatave për të arritur një marrëveshje që mund t’i kthejë të afërmit e tyre në shtëpi.

Protestuesit kërkuan dorëheqjen e qeverisë dhe shpalljen e zgjedhjeve.

Qindra protestues bllokuan rrugët kryesore të qytetit dhe të paktën shtatë u arrestuan nga policia.

The post Izrael/ Tel Avivi ushton nga thirrjet e protestuesve: Të dorëhiqet qeveria Netanyahu ose të pranojë marrëveshjen për pengjet appeared first on Albeu.com.

Lëvizje të ngjashme priten në të gjithë vendin, si pjesë e një vale protestash kundër rënies së të ardhurave, si rritjes së burokracisë dhe konkurrencës nga importet. Fermerët thonë se qëllimi i tyre është të ndalojnë dërgesat e ushqimit në supermarkete.

“Sa kohë do të na duhet të bllokojmë Parisin? Mendoj 24 orë, jam i bindur për këtë. Megjithatë kemi kohë për këtë punë. Shpresojmë që sakaq kryeministri të marrë vendimet e duhura për mbijetesën e fermerëve”, u shpreh José Perez, drejtues i Rural Coordination of Lot-et-Garonne.

Protesta të ngjashme janë zhvilluar edhe në Gjermani, Belgjikë, Holandë dhe në Europën Lindore. Autoritetet franceze thonë se 15,000 policë janë mobilizuar për të parandaluar hyrjen e traktorëve në Paris dhe qytete të tjera të mëdha. Siç tha një prej protestave për BBC, qëllimi i këtij aksioni është që Parisi të mbetet pa furnizime dhe e gjithë Franca, praktikisht, të paralizohet, në mënyrë që mbi qeverinë të ushtrohet kështu presion maksimal.

Fermerët e vegjël thonë se ata varen shumë nga çmimet me të cilat shesin produktet e tyre për të siguruar jetesën, por vitet e fundit kostot e prodhimit janë rritur, ndërsa çmimet jo. Ata pretendojnë rritjen e çmimit të produkteve të tyre dhe ndërprerjen e marrëveshjeve të tregtisë së lirë.

The post “Plas” edhe në Francë, protestuesit: Do “e vdesim” Parisin për bukë, të paralizohet i gjithë vendi appeared first on Albeu.com.

Ngjarja tronditëse ka ndodhur në Panama, ku pensionisti amerikan, ish-avokati, Kenneth Darlington ka qëlluar me pistoletë protestuesit.

Pamjet tronditëse janë filmuar me kamera dhe postuar në rrjetet sociale. Në to dallohen protestuesit që kishin bllokuar rrugën, ndërsa pensionisti amerikan zbret nga makina dhe u afrohet me pistoletë në dorë.

Pas pak minutash konfrontim, ku besohet se u ka kërkuar të hapin rrugën, qetësisht ai ka ngritur dorën dhe ka qëlluar në drejtim të tyre, siç raportojnë mediat lokale, duke vrarë dy.

77-vjeçari, amerikan i lindur në Panama, është arresuar vetëm pak minuta pas ngjarjes.

The post PAMJE TË RËNDA/ I moshuari vret dy protestues pse i kishin zënë rrugën (VIDEO) appeared first on Albeu.com.

Përleshjet shpërthyen të dielën midis protestuesve në dy tubime, një pro-palestinez dhe tjetri pro-izraelit, në Thousand Oaks, në veriperëndim të Los Anxhelosit, sipas Zyrës së Sherifit të Qarkut Ventura.

Në vendngjarje, policia konstatoi se viktima, 69-vjeçari Paul Kessler, ka “pësuar traumë në kafkë”, thuhet në njoftim.

“Dëshmitarët raportuan se Kessler ishte përfshirë në një grindje me një ose më shumë protestues” në tubimin pro-palestinez.

“Gjatë përleshjes, Paul Kessler u rrëzua mbrapa dhe goditi kokën në tokë”, thuhet në deklaratë.

?#BREAKING: A Jewish man has died as a result of a head injury after being assaulted by a pro-Palestinian protester with a megaphone.

?#Losangeles | #California

According to Los Angeles law enforcement, they confirmed late Monday that a Jewish man has died as a result of a… pic.twitter.com/iiGIMybA4o

— R A W S A L E R T S (@rawsalerts) November 7, 2023

Ky episod vjen një muaj pas sulmit të kryer nga lëvizja islamike palestineze Hamas në territorin izraelit, i cili mori jetën e më shumë se 1400 njerëzve, shumica prej tyre civilë. Islamistët rrëmbyen gjithashtu më shumë se 240 pengje, të cilët i morën në Gaza.

Që atëherë, Izraeli ka bombarduar vazhdimisht Rripin e Gazës. Sipas Hamasit, më shumë se 10,022 njerëz kanë humbur jetën nga bombardimet izraelite, shumica prej tyre civilë dhe mes tyre më shumë se 4,000 fëmijë.

The post Përleshje mes protestuesve pro-izraelitë dhe pro-palestinez në Kaliforni, një i vdekur (VIDEO) appeared first on Albeu.com.

Ata pasi kanë kuptuar se në ndërtesë ndodhet ministri për Komunitete, Elbert Krasniqi dhe se duhet të hyjë brenda edhe nënkryetarja e kësaj komune, Dragana Miletiq, janë organizuar dhe kanë kaluar kordonin e ushtarëve hungarezë, mirëpo, janë ndaluar nga ushtarët e tjerë të cilët ndodhen në hyrje të ndërtesës.

Deri tani nuk është shënuar ndonjë incident, por situata mbetet nën tension.

Edhe policia e Kosovës ka konfirmuar rastin.

The post VIDEO/ ​Protestuesit tentojnë të hyjnë me dhunë në komunën e Leposaviqit, ndërhyn KFOR appeared first on Albeu.com.