Këtë të hënë, protestuesit janë mbledhur para Parlamentit, ashtu siç kishin paralajmëruar një ditë më parë. Ndërkohë, Kuvendi mban seancën e parafundit plenare të këtij sesioni, e cila pritet të fillojë në orën 12:00.
Partia Demokratike, e cila ka bojkotuar dy seancat e fundit plenare, do të mbledhë sot Grupin Parlamentar.
Të lidhura
None found
Pas debatesh të ashpra, grupi parlamentar duket se ka hyrë në një fazë reflektimi. Gazment Bardhi, u ka dërguar deputetëve një mesazh ku i udhëzon të përgatiten për mundësinë e pjesëmarrjes në seancë, por vendimi përfundimtar do të merret në seli një orë para fillimit të mbledhjes së Parlamentit, ku në qendër të diskutimeve pritet të jenë rezolutat e institucioneve të drejtësisë.
“Të hënën, datë 20 Korrik, ora 11:00 do të zhvillojmë mbledhje të Grupit Parlamentar të PD, në seli. Është caktuar seancë plenare të hënën, ora 12:00. Përgatitemi në çdo rast për seancën, që të jemi gati nëse grupi parlamentar vendos që të marrin pjesë”, ka njoftuar kreu i Grupit Parlamentar, Gazment Bardhi.
Demokratët nisën bojkotin e seancave më 2 korrik, ditën kur qytetarët rrethuan godinën e Parlamentit.
