Policia ka shoqëruar rreth 20 persona, aktivistë dhe banorë të zonës për protestat për fabrikën e ujit.
Ditën e sotme banorët në fshatin Thirre të Njësisë Administrative të Fanit, kanë dalë për të protestuar kundër ndërtimit të një hidrocentrali në zonën e tyre.
Ata janë shprehur se u janë falsifikuar firmat dhe nga ndërtimi i këtij heci kanë dëme të shumta.
Banorët kanë zgjedhur të protestojnë duke u mbledhur dhe me pankarta në duar. Në mbështetje të tyre kanë ardhur edhe banorët e Zallë Gjoçajt.
Banorët e Mirditës kanë kundërshtuar prej kohësh ndërtimin ndërtimin e HEC-eve, ku sipas tyre ato mund të shkaktojnë dëme të mëdha në këtë zonë.
