Polici përplas kalimtarin me mjetin e punës, nisin menjëherë hetimet

Një aksident ka ndodhur mëngjesin e sotëm në aksin rrugor Korçë-Pogradec, ku një efektiv policie ka aksidentuar një të moshuar.

Ngjarja ka ndodhur pranë fshatit Zvirinë, Maliq rreth orës 09:40.

Ndërkohë i moshuari ndodhet në spitalin e Korçës, jashtë rrezikut për jetën.

Grupi hetimor në vendngjarje, po punon për zbardhjen e plotë të rrethanave të aksidentit.

Njoftimi

Më datë 06.05.2021, rreth orës 09:40, në aksin rrugor Korçë-Pogradec, pranë fshatit Zvirinë, Maliq, punonjësi i Stacionit të Policisë Kufitare Qafë-Thanë, shtetasi S. N., duke drejtuar automjetin e policisë tip “Dacia”, ka aksidentuar këmbësorin D. D., rreth 78 vjeç, banues në fshatin Zvirinë, i cili u dërgua në Spitalin e Korçës, ku ndodhet jashtë rrezikut për jetën.

Grupi hetimor në vendngjarje, po punon për zbardhjen e plotë të rrethanave të aksidentit.

Shërbimi për Çështjet e Brendshme dhe Ankesat, nën drejtimin e Prokurorisë Korçë, po kryejnë veprimet e mëtejshme proceduriale me drejtuesin e mjetit.

Shtuar 6.05.2021 11:05