Plas skandali i trukimit të ndeshjeve në Serbi

Jo më larg se disa javë më parë futbolli serb u trondit nga dorëheqja e presidentit të Federatës të futbollit, Slavisa Kokeza i cili ishte nën akuzë për rrëmbime, pjesëmarrje në grup criminal dhe trafikim lëndësh narkotike ndërsa tani sërish sporti më i ndjekur në këtë vend goditet nga trukimi i ndeshjeve.

Mësohet se UEFA kishte sinjalizuar federatën e vendit ballkanas për disa ndeshje të dyshimta, të përsëritura si të trukuara dhe ka kërkuar masa ndaj tyre që duket se nuk kanë vonuar.

Kështu në ligën e dytë, ekipi i Jagodinas është sinjalizuar për trukimin e ndeshjes së javës së kaluar ndaj Zeleznicar e cila përfundoi 2/1 me pjesë, një nga format më të preferuara të trukimeve që kanë edhe koefiçent të lartë teksa sfida përfundoi 1-2 në pjesën e parë dhe 5-2 në përfundin. Ekipit të Jagodinas i hiqen 6 pikë nga renditja dhe u gjobit me 51 mijë euro nga Federata.

Edhe ekipi Borac Cacac e pësoi ashtu si Jagodina në ligën e dytë me 34 mijë euro gjobë dhe 6 pikë zbritje nga renditja aktuale në kampionatin që vijon ende.

Shtuar 15.04.2021 08:04