Plas boksi në parlamentin e Armenisë (FOTO LAJM)

Përplasje e rrallë është parë në parlamentin e Armenisë ku nuk ka munguar as përdorimi i grushtave mes deputetëve.

Pas humbjes së rajonit Nago-Karabak, palët fajësojnë njëra tjetrën si fajtore për dështimin e luftës.

Skenat e kaosit shpërthyen pasi një ligjvënës i partisë në pushtet i përshkroi disa nga ministrat e mëparshëm të mbrojtjes të vendit si “tradhtarë”. Përplasjet pozitë -opozitë krijuan një skenë aspak dinjitoze.

Për të qetësuar situatën garda e parlamentit është  detyruar të ndërhyjë me forcë për t’i shpëtuar parlamentarët nga grushtet e shishet me ujë që hidhnin mbi njëri-tjetrin.

Pati dhe ata deputetë të cilët nuk nguruan të ngrinin telefonat lart për të filmuar këto momente epike.

Parlamenti aktual u mblodh për herë të parë në fillim të këtij muaji pas zgjedhjeve të kësaj Vere që i fitoi partia e Kryeministrit Nikol Pashinyan.

Tensionet e brendshme politike janë rritur në Armeni që nga lufta që humbën vitin e kaluar nga Azerbajxhani.

Në këtë luftë forcat azere i dëbuan forcat etnike armene nga territoret që kishin kontrolluar që nga vitet 1990 përreth rajonit të Nagorno-Karabakh./albeu.com


Shtuar 25.08.2021 18:59

Tags: