Dy 20-vjeçar janë plagosur me mjet prerës ditën e sotme në Tiranë.
Policia njofton se shtetasi B. R., dyshohet se gjatë një konflikti, ka goditur me mjet prerës shtetasit J. P., 20 vjeç, dhe Q. H., dhe më pas është larguar.
Të plagosurit ndodhen në spital nën kujdesin e mjekëve, teksa po punohet për kapjen e autorit.
Njoftimi i policisë:
Tiranë/Informacion paraprak
Më datë 15.05.2023, rreth orës 14:15, në rrugën “Tish Daija”, shtetasi B. R., dyshohet se gjatë një konflikti, ka goditur me mjet prerës shtetasit J. P., 20 vjeç, dhe Q. H., 20 vjeç, dhe më pas është larguar.
Si pasojë shtetasit J. P., dhe Q. H., janë dëmtuar dhe ndodhen në spital, nën kujdesin e mjekëve.
Grupi hetimor po punon për kapjen e autorit dhe sqarimin e rrethanave të ngjarjes.
