Një shqiptar është plagosur në Itali pas një sherri banal.
Autor i plagosjes është një 47-vjeçar senegalez, i cili e qëlloi shqiptarin me një palë gërshërë, mjet pune në fermën ku të dy ata punonin në zonën e Galipolit.
Mësohet se i riu shqiptar ka marrë plagë të rënda në sy, çka i shkaktoi atij humbjen totale të shikimit në të, ndërkohë që sulmuesi u arrestua nga ana e Policisë.
Policia ka arrestuar autorin, i cili kishte një leje qëndrimi të skaduar, ndërkohë që akuza që do të rëndojë mbi të është ajo e tentativës për vrasje.
Identiteti i shqiptarit që ka mbetur i plagosur nuk bëhet i ditur.
