Ka rënë në prangat e policisë shoferi i autobusit që përplasi për vdekje çiftin e bashkëshortëve dy ditë më parë në rrugën Shkodër-Koplik.
Burrë e grua po udhëtonin me motor kur u përplasën me autobusin.
Për fat të keq çifti nuk i mbijetoi plagëve, e për pasojë ndërroi jetë dje në spital.
Kujtojmë se autobusi po kthehej nga Mali i Zi me dhjetëra qytetarë nga Lezha, pasi kishin përfunduar një udhëtim turistik.
Njoftimi Policisë
Specialistët e Policisë Rrugore të Drejtorisë Vendore të Policisë Shkodër arrestuan në flagrancë shtetasin F. V., 37 vjeç, banues në fshatin Tamarë, Malësi e Madhe, pasi më datë 08.07.2023, rreth orës 18:50, në aksin rrugor “Koplik – Shkodër”, në fshatin Shtoj i Ri, autobusi që drejtohej nga 37-vjeçari, është përplasur me motomjetin me të cilin lëvizte shtetasi A. S., 84 vjeç dhe bashkëshortja e tij, shtetasja S. S., 80 vjeçe.
Si pasojë e përplasjes, shtetasit A. S. dhe S. S. kanë humbur jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./albeu.com/
