Jorge Vilda nuk është më trajner i Përfaqësueses së Spanjës në futbollin e femrave.
Federata Spanjolle (RFEF) i ka komunikuar këtë të martë trajnerit të deritanishëm dhe drejtorit teknik të futbollit të femrave shkarkimin e tij nga të dyja detyrat.
Ai shkarkohet pas tetë vitesh në krye të kombëtares dhe kjo ndodh vetëm pak javë, pasi fitoi titullin më të rëndësishëm në historinë e futbollit spanjol për femra: Kupën e Botës të zhvilluar në Australi dhe Zelandën e Re.
Deri te ky shkarkim i Vildas erdhi pasi trajneri 42-vjeçar i doli në mbrojtje presidentit të Federatës, Luis Rubiales pasi ky i fundit kishte puthur futbollisten Hermoso.
