Problemet e frymëmarrjes mund të shkaktohen nga shumë arsye, si problemet e shëndetit mendor ose ndotja ose astma.
Megjithatë ka disa mënyra shtëpiake që mund të provoni për të lehtësuar shqetësimin. Ato nuk janë kura, por mund të ndihmojnë në lehtësimin e simptomave. Nëse vështirësia vazhdon pasi të keni provuar mënyrat shtëpiake, duhet menjëherë të konsultoheni me një mjek.
Frymëmarrja përmes buzëve të shtrënguara
Kjo teknikë mund të ndihmojë në ngadalësimin e frymëmarrjes tuaj, ta bëjë frymëmarrjen tuaj më të thellë dhe më të plotë. Ju mund ta provoni këtë në çdo kohë dhe në çdo vend.
Përkuluni përpara në një tryezë
Kjo teknikë e frymëmarrjes ndihmon në krijimin e më shumë hapësirës në zgavrën e gjoksit dhe qarkullon më shumë oksigjen në mushkëri dhe trup. Kjo mënyrë frymëmarrjeje mund të ndihmojë gjithashtu me simptomat e COPD. Por njerëzit që janë obezë nuk duhet ta provojnë.
Shtrihuni
Kjo mënyrë e frymëmarrjes mund të ndihmojë trupin tonë dhe rrugët e frymëmarrjes të relaksohen. Mund ta bëjë më të lehtë frymëmarrjen për ju. Njerëzit që kanë apnea të gjumit mund të përballen me parehati në frymëmarrje dhe për ta kjo teknikë mund të ndihmojë.
Frymëmarrja diafragmatike
Sipas një studimi të kryer në vitin 2019, frymëmarrja përmes stomakut mund t’ju ndihmojë të merrni frymë më mirë. Mund të zgjerojë vëllimin e gjoksit dhe të sigurojë më shumë furnizim me oksigjen dhe ajër në mushkëritë tuaja.
Marrje e kufizuar e kafeinës
Sipas një studimi, kafeina mund të ndihmojë në lehtësimin e simptomave të problemeve të frymëmarrjes. Ka veti që mund të relaksojnë muskujt në rrugët e frymëmarrjes të njerëzve që vuajnë nga astma. Kjo mund të ndihmojë që mushkëritë e tyre të funksionojnë më mirë për rreth 4 orë. Si ndodh kjo? Kafeina bllokon receptorët e disa kimikateve që mund të jenë shkaku i problemeve të frymëmarrjes.
Përdorni një ventilator
Disa studime thonë se përdorimi i një ventilatori mund të ndihmojë një person që përballet me probleme të frymëmarrjes. Qarkullimi i ajrit të ftohtë mund t’i ndihmojë ata të marrin frymë më lehtë.
