Hong Kong dhe Macau kanë pezulluar përdorimin e vaksinës kundër koronavirusit të kompanisë Pfizer/ BioNTech, pasi morën informacione se kishte një problem në paketimin e tyre, në një prej serive që kishin ardhur.
“Për hir të masës paraprake, vaksinimi aktual duhet të pezullohet gjatë periudhës së hetimit”, tha qeveria e Hong Kongut në një deklaratë.
Kjo vjen një ditë pasi autoritetet shëndetësore ndaluan një klinikë lokale të furnizonte vaksina pasi një nga mjekët e saj tha publikisht se ai do të zgjidhte vaksinën e Pfizer para asaj Sinovac.
Të dy qytetet kineze thanë se vendimi i tyre erdhi pasi u kontaktuan për çështjen e paketimit nga Fosun, kompania farmaceutike kineze që po shpërndan vaksinën Pfizer/ BioNTech në Kinë. Autoritetet thanë se dozat me numrin e serisë 210102 u gjetën se kishin paketim të dëmtuar.
