Parlamenti Evropian “pro” liberalizimit të vizave për Kosovën, kërkohet që të veprojë KE-ja

Parlamenti Evropian ka mbështetur kërkesën për liberalizim të vizave për Kosovën. Ky lajm është bërë i ditur nga raportuesja për Kosovën në Parlamentin e Evropës, Viola von Cramon.

‘Në votimet plenare për raportin e Kosovës, shumica dërrmuese mbështetën liberalizimin e vizave për qytetarët e Kosovës dhe i bëjë thirrje të veprojë Parlamentit të BE-së’, shkruan Cramon në Tëitter.

Më tej ka treguar se për liberalizimin e vizave kanë votuar 472 pro europarlamentarë, 165 ishin kundër ndërsa 41 kanë abstenuar.

Më herët është raportuar se gjatë raportimit në Parlamentin e Evropës, Cramon ka inkurajuar Kosovën të vazhdojë reformat e brendshme.

 “Raporti gjithashtu inkurajon Kosovën të bëjë më shumë përpjekje për çështje të ndryshme të brendshme dhe lokale. Midis tyre tema si ndryshimi i klimës, politika arsimore, dhuna me bazë gjinore, për të përmendur vetëm disa. Qeveria e Kosovës duhet të kalojë reformat dhe zbatojë ato vazhdimisht”.– tha ajo.

Komisioneri i Zgjerimit të Bashkimit Evropian, Olivier Varhelyi pohoi se Komisioni Evropian është dakord që është koha që të liberalizohen vizat për Kosovën, por që vendimi duhet të merret nga vendet anëtare të BE-së, prandaj ky institucion inkurajon autoritetet e Kosovës që t’u drejtohen anëtarëve dhe të punojnë në zgjidhjen e kësaj çështjeje.

Shtuar 25.03.2021 03:03

Tags: