Julian Xhima ka rënë në pranga e policisë së Tiranës pasi kanosi me armë zjarri kallashnikov familjarët e tij.
Blutë e kryeqytetit bëjnë me dije se ngjarja ka ndodhur në lagjen “Misto Mame”.
“Në kuadër të operacionit “Afternoon” u bë kapja dhe arrestimi në flagrancë i shtetasit Julian Xhima, 41 vjeç, banues në Kombinat”, thuhet në njoftimin zyrtar të policisë.
41 vjeçari mbrëmjen e djeshme, gjatë një konflikti për motive të dobëta, ka kanosur familjarët e tij, me armë zjarri (kallashnikov), e cila u sekuestrua në cilësinë e provës materiale.
Vijon puna nga grupi hetimor, për sqarimin e plotë të rrethanave të kësaj ngjarjeje.
Materialet i kaluan Prokurorisë, për veprime të mëtejshme procedurale./Albeu.com/
