Policia e Shkodrës, ka përmbyllur operacionin e koduar “Shëtitësi”, në kuadër të të cilit u arrestua Fatos Arifi, 56-vjeç, banues në Durrës. Ai u kap në flagrancë në lagjen “Liria”, ndërsa dyshohet se po përpiqej të merrte një biçikletë.
Hetimi nisi pas kallëzimeve të qytetarëve dhe punës së strukturave policore për dokumentimin dhe parandalimin e rasteve të vjedhjes së pronës.
Të lidhura
None found
Nga veprimet e kryera dyshohet se Arifi ka vjedhur një shumë parash në një automjet taksi, si edhe dy biçikleta të tjera në pika të ndryshme të Shkodrës.
Operacioni “Shëtitësi” u zhvillua me synimin për të goditur veprimtarinë kriminale ndaj pronës dhe për të parandaluar vjedhje të tjera.
Materialet e çështjes iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për vijimin e procedurave ligjore.
