Një fermer nga Samatica e Beratit, i goditur nga përmbytjet e muajit janar, rrëfeu se u rikthye nga emigrimi 16 vite më parë me synimin për të investuar në sera, por përfundoi me humbje të mëdha dhe tani e konsideron atë vendim si pendesën e tij më të madhe. Ai tha gjithashtu se ende nuk ka përfituar asnjë dëmshpërblim dhe as fonde nga IPARD-i.
“Jam nga Samatica e Beratit, ku jemi përmbytur dy herë, nga digat, sepse shteti nuk na mbron. Nuk kam marrë dëmshpërblim dhe as fonde nga IPARD-i, ndaj po dalim këtu.
Të lidhura
None found
Kam 16 vite që jam kthyer, kam bërë gabimin më të madh të jetës që erdha në Shqipëri. Investova 100 mijë euro dhe mora në qafë edhe fëmijët.
Me këto humbje të mëdha, nuk ka më keq ku të shkojë. Njerëzit e shtetit vijnë, i shohin, bëjnë foto të bukura, por nuk na dëmshpërblejnë”, u shpreh ai.
