Ditën e sotme vendi ynë, do të përfshihet nga një valë të nxehti, me temperatura që do të rriten ndjeshëm në shumicën e qarqeve të vendit.
Sipas parashikimeve meteorologjike, termometri mund të arrijë deri në 39°C në disa qytete, përfshirë Elbasanin, Beratin, Shkodrën dhe kryeqytetin.
Të lidhura
None found
Në qytetet e ultësirës perëndimore dhe zonat bregdetare, përfshirë edhe jugun, temperaturat do të variojnë nga 33 deri në 37°C, duke krijuar kushte të nxehta dhe të qëndrueshme përgjatë gjithë ditës.
Ndërkohë, zonat malore do të mbeten disi më të freskëta, me vlera që luhaten rreth 29–32°C.
Moti do të dominohet nga diell i plotë dhe intervale të gjata kthjellimesh, me vetëm ndonjë vranësirë të lehtë kalimtare në orët e pasdites në zonat malore, pa reshje shiu.
Sipas parashikimeve, temperaturat e larta do të vijojnë edhe në fillim të javës së ardhshme, duke mbetur në nivele ekstreme për stinën, ndërsa netët gjithashtu do të bëhen më të ngrohta, sidomos në zonat e ulëta dhe bregdetare.
