Kryeministri i vendit, Edi Rama, ka shprehur mbështetjen e Shqipërisë ndaj Izraelit pas sulmit terrorist si pasojë e të cilit humbi jetën një turist italian dhe shtatë të tjerë u plagosën.
Ai thotë se Shqipëria është në mbështetje të Izraelit dhe dënon me forcë veprimet e dhunshme.
Rama: Jemi thellësisht të pikëlluar nga sulmet pa dallim ndaj Izraelit që kanë rezultuar në humbje jetësh dhe dënojmë me forcë autorët dhe mbështetësit e tyre. Shqipëria qëndron e vendosur me Izraelin dhe të gjithë fqinjët e tij myslimanë që kanë zgjedhur rrugën e paqes dhe bashkëpunimit.
We are deeply saddened by the indiscriminate attacks on Israel that have resulted in loss of life, and we strongly condemn the perpetrators and their supporters. Albania stands firm with Israel and all its Muslim neighbours that have chosen the path of peace and cooperation.
— Edi Rama (@ediramaal) April 8, 2023
Tensionet izraelito-palestineze u rritën pasi një turist italian u vra dhe 7 të tjerë u plagosën pasi një makinë shtypi këmbësorët në Tel Aviv më 7 prill. Kjo ngjarje ndodhi pas një sulmi me armë zjarri në Bregun e pushtuar Perëndimor, ku u vranë dy motra izraelite.
Më herët edhe Shefi i politikës së Jashtme të Bashkimit Evropian, Josep Borrell, dënoi përshkallëzimin e dhunës midis Izraelit dhe palestinezëve. Ai u bëri thirrje të gjitha palëve që të tregojnë përmbajtje dhe të promovojnë qetësi gjatë festave fetare./Albeu.com/
