Katër persona janë shpallur fajtorë për tentativën e kontrabandimit të 69 shtetas shqiptarë në Britaninë e Madhe.
Svanic – një peshkarekë peshkimi 30 m u kap në brigjet e Norfolk nga Forcat Kufitare nëntorin e kaluar dhe u dërgua në Harwich, Essex, ku u zbuluan emigrantët. Anija kishte kaluar 14 orë në det nga Belgjika.
Të lidhura
None found
Kfir Ivgi, 32 vjeç, Sergejs Kuliss, 39 vjeç, Alexandrs Gulpe, 44 vjeç dhe Igor Koysi, 56 vjeç, u dënuan nga një juri gjykate, ndërsa, Volodymyr Mykhailov, u lirua.
Anija u kap me ndihmën e rojeve bregdetare teksa i afrohej Great Yarmouth. Më pas ajo u shoqërua në portin e Harwich, ku u gjetën 69 persona të ngjeshur në vaskën e anijes.
Autoritetet u alarmuan fillimisht për operacionin e kontrabandës së njerëzve pas raportimeve për aktivitet të dyshimtë kur anija pësoi defekt në brigjet e Suedisë 15 ditë më parë.
Në një hetim të udhëhequr nga Agjencia Kombëtare e Krimit së bashku me policinë e Essex, Forcën e Emigracionit dhe Forcën Kufitare, vunë në pranga tre anëtarë të ekuipazhit.
Ndërkohë, tre tjerë u arrestuan në bastisjet e kryera nga Agjencia në muajin qershor.
Secili u akuzua për komplot për të ndihmuar imigracionin e paligjshëm sipas Seksionit 25 të Aktit britanik të Imigracionit.
Një i pandehur i gjashtë, Artuas Jusas, 35 vjeç, u deklarua fajtor në një seancë të mëparshme.
