Nga trafiku i narkotikëve te rrahja e gruas, prangosen 5 persona në Tiranë

Pesë persona kanë rënë në prangat e Policisë në Tiranë për vepra të ndryshme penale.

Në pranga është vënë L. Sh, 52 vjeç, pasi ka ushtruar dhunë fizike dhe psikologjike ndaj bashkëshortes së tij, një person për armëmbajtje pa leje dhe tre të tjerë për drejtim të mjetit në gjendje të dehur.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

Njoftimi i Policisë:

Vihen në pranga 5 shtetas, për vepra të ndryshme penale.

Specialistët për Hetimin e Krimit në Komisariatin e Policisë Nr.6 në bashkëpunim me Seksionin për Hetimin e Narkotikëve bënë ndalimin të shtetasit S. Gj, 21 vjeç, pasi Gjykata e Rrethit Gjyqësor Tiranë, ka caktuar masën e sigurisë “Arrest me burg”, për veprën penale “Prodhimi dhe shitja e narkotikëve”, e kryer në bashkëpunim.

Po nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i shtetasit L. Sh, 52 vjeç, pasi ka ushtruar dhunë fizike dhe psikologjike ndaj bashkëshortes së tij.

Nga specialistët për Hetimin e Krimit në Komisariatin e Policisë Nr.2 u bë arrestimi në flagrancë i shtetasit F. Ç, pasi gjatë kontrollit fizik iu gjet dhe iu sekuestrua një armë e ftohtë.

Specialistët e Qarkullimit Rrugor bënë arrestimin në flagrancë të shtetasve A. L, 49 vjeç dhe M. Z, 41 vjeç, pasi u kapën duke drejtuar mjetet përkatëse në gjendje të dehur. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, njofton policia./albeu.com/