Kremlini ka hedhur poshtë akuzat për shantazh për të ndaluar furnizimin me gaz në Poloni dhe Bullgari, pasi ato refuzuan të paguanin në rubla.
“Ky nuk është shantazh,” u tha gazetarëve zëdhënësi i Kremlinit, Dmitry Peskov në një konferencë për shtyp.
Presidentja e Komisionit Evropian, Ursula von der Leyen, ka akuzuar Rusinë për përdorimin e gazit për të “shantazhuar” bllokun, pasi Gazprom tha se ndaloi furnizimet për të dy vendet të mërkurën.
“Nevoja për kushtet që u dokumentuan në dekretin e Presidentit Putin, që do të thotë mënyra e re e pagesës, u shkaktua nga hapat e paprecedentë jomiqësorë në ekonomi dhe sektorin financiar të ndërmarra kundër nesh nga vendet jomiqësore”, tha Peskov.
Sipas Peskov, Rusia u detyrua të kalonte në pagesa në rubla për furnizimin me gaz në Evropë për shkak të kufizimeve të reja.
“Ne kishim një sasi të konsiderueshme të rezervave tona të bllokuara, ose të ‘vjedhura’, e thënë thjesht. E gjithë kjo kërkonte një kalim në një sistem të ri pagesash,” vazhdoi Peskov.
Peskov shtoi se të gjitha kushtet e reja “u paraqitën paraprakisht në vëmendjen e blerësve”.
