Pas një takimi të ministrave të Brendshëm dhe të Jashtëm të BE e Ballkanit në Berlin, ministri i Jashtëm kroat, përpiqet me sa duket të puthë ministren e Jashtme gjermane në gojë në foton e përbashkët. Ky rast ka shkaktuar zemërim në Kroaci: Zemërim me Gordan Grlic-Ramadan dhe mirëkuptim për Annalena Baerbock.
? Croatian minister tried to kiss German Foreign Minister Annalena Baerbock at EU ministerial summit in Berlin – Bild
Baerbock instantly turned away and there was only cheek-to-cheek contact.
Gordan Grlić-Radman has already apologized to the German Foreign Minister for what… pic.twitter.com/5vxyAFYWbb
— NEXTA (@nexta_tv) November 4, 2023
Mediat raportojnë për një “moment të turpshmëm” në takimin e ministrave të Jashtëm në Berlin. Aktivistet për të drejtat e femrave e akuzojnë Grlic-Ramadan për mungesë respekti dhe “dështim”, e quajnë “të shëmtuar”, kur vërejnë momentin se gjatë momentit të fotos në grup Ministrja e Jashtme gjermane, Annalena Baerbock përpiqet t’i ikë puthjes. Rada Boric bëri fjalë për një “gjest tërësisht të papërshtatshëm” dhe një aktiviste e akuzoi ministrin për mungesë respekti.
Në media shkruhet se ai nuk ka turpëruar veten, por shumë kroatë. Gazeta “Jutarnji List” shkruan se Baerbock duket qartë që nuk është ndjerë mirë. Ish-kryeministrja kroate shkroi në X “puthja e detyruar ndaj femrës është dhunë, apo jo?”
Grlic-Ramadan i ka hedhur poshtë akuzat. Ai ka thënë, se ka dashur ta përshëndesë “në mënyrë njerëzore” ministren./dw
