Mocioni me debat në Kuvend dhe protesta e 3 marsit, Meta i shkon Berishës në zyrë

Kreu i Partisë së Lirisë Ilir Meta është paraqitur sot në selinë blu, ku pritet të zhvillojë një takim me kreun e PD-së Sali Berishë.

Takimi në fokus ka organizimin e protestës së 3 marsit, e thirrur nga Berisha, e cila përkon në të njëjtën ditë që do të zhvillohet seanca maratonë për vulën e PD.

Kujtojmë gjithashtu ky takim paraprin seancën e ditës së nesërme në Kuvend, ku do të ketë mocion me debat për çështjen McGonigal.

Berisha dhe Meta zhvillojnë takime të shpeshta mes njëri-tjetrit, të cilat pritet të jenë më intensive ndërsa data e zgjedhjeve lokale po afron, pasi dy liderët e partive më të mëdha opozitare kanë dalë me kandidatë të përbashkët./albeu.com