Mjegulla “pushton” Beratin, vështirësi me qarkullimin në rrugë (VIDEO)

Që prej orëve të para të mëngjesit, qyteti i Beratit është mbuluar nga mjegulla e dendur. Mjegulla është shfaqur prej disa orësh dhe vazhdon të jetë prezentë në të gjithë qytetin.

Kjo situatë ka krijuar vështirësi për lëvizjen e automjeteve brenda në qytet. Situata është e njëjtë në të gjithë qarkun, pasi mjegulla ka mbuluar edhe qytetet Kuçovë, Dimal, Skrapar e Poliçan.

Siç edhe shihet nga pamjet filmike, i gjithë aksi nacional Berat-Dimal dhe Dimal-Kuçovë është pushtuar nga mjegulla, duke krijuar probleme në qarkullimin e automjeteve dhe mjeteve të transportit interurban, pasi shikimi është i kufizuar.

Mjetet janë duke qarkulluar me shpejtësi të ulët dhe duke mbajtur largësi nga njëra-tjetra, për të shmangur ndonjë aksident të mundshëm.

Shtuar 18.01.2022 09:15

Tags: ,