Ministria britanike Mbrojtjes: Bie qyteti i Kreminës në Ukrainë

Qyteti i Kreminës në Luhansk thuhet se ka rënë, ka thënë Ministria e Mbrojtjes e Mbretërisë së Bashkuar në përditësimin e saj të përditshëm, por nuk ka dhënë më shumë detaje për këtë.

Raportet e mëparshme kishin sugjeruar tashmë se forcat ruse kishin kontrollin e Kreminës, një qytet me rreth 18,000 banorë.

Ministria e Mbrojtjes shtoi se luftime të rënda u raportuan në jug të qytetit të Izium, ndërsa forcat ruse përpiqen të avancojnë drejt qyteteve Sloviansk dhe Kramatorsk nga veriu dhe lindja.

Përditësimi gjithashtu tha se forcat ruse ka të ngjarë të përpiqen të rrethojnë pozicionet e fortifikuara të Ukrainës në lindje të Ukrainës.

Forcat ukrainase kanë përgatitur mbrojtje në Zaporizhzhia në përgatitje për një sulm të mundshëm rus nga jugu, thuhej më tej në raport./albeu.com

Shtuar 26.04.2022 08:23