Pas humbjes ndaj Fiorentinës, Milani është ndalur sërish në Serie A. Këtë herë kuqezinjtë barazuan 1-1 në “San Siro” me Salerintanën.
Megjithatë, kuqezinjtë kanë kapur vendin e 4-t që dërgon në Champions sezonin e ardhshëm.
Sa i përket sfidës, Giroud realizoi në fund të pjesës së parë, ndërsa miqtë shënuan me Dia në minutën e 61-të.
Pavarësisht përpjekjeve të shumta, milanistët nuk mundën të gjenin golin e fitores, duke dalë nga ky takim me vetëm 1 pikë.
Sfidën e radhës Milani do ta luajë në transfertë ndaj Udinezes.
