Një ngjarje është shënuar mëngjesin e sotëm në autostradën Fier-Vlorë. Një autobus me punonjës të një fasonerie ka marrë flakë. Fatmirësisht punonjësit kanë mundur të zbresin shpejt, ndërsa raportohet se janë dëgjuar dhe shpërthime.
Njoftimi i policisë:
Vlorë/Informacion paraprak
Më datë 26.05.2022, rreth orës 06:50, në aksin rrugor Vlorë –Fier, tek mbikalimi i Novoselës ka marrë flakë në lëvizje, autobusi me drejtues shtetasin B. Xh., 60 vjeç. Nuk ka dëme në njerëz.
Paraprakisht dyshohet se zjarri ka rënë si pasojë e një defekti teknik në autobus.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
