Një shpërthim i fuqishëm ka ndodhur pak kohë më parë në qendër të Parisit, ku të paktën një ndërtesë është shembur pjesërisht dhe të tjerat janë përfshirë nga flakët. Tymi i dendur ngrihet në qiell mbi rajonin e 5-të të kryeqytetit francez.
Sipas mediave franceze, të paktën shtatë kanë mbetur të plagosur rëndë, ndërsa 9 të tjerë kanë pësuar lëndime të lehta.
“Banorët e qarkut të 5-të, sapo ka ndodhur një shpërthim (nga një rrjedhje) gazi në Place Alphonse Laveran, në lagjen Val-de-Grace, ndërtesat janë në flakë, qëndroni larg për të lejuar ndërhyrjen e zjarrfikësve”, ishte mesazhi i nënkryetarit Eduard Sivel.
Ishte rreth orës 17:00 kur një shpërthim i fuqishëm tronditi zonën.
?? ALERTE INFO – Une violente explosion au gaz vient d’avoir lieu dans le centre de #Paris. Plusieurs immeubles sont en feu. Les pompiers ont fait évacuer le périmètre. (BFMTV) pic.twitter.com/8spFPk3gUf
— Mediavenir (@Mediavenir) June 21, 2023
“Dëgjuam një shpërthim të madh. Pamë tym të zi dhe mbeturina kudo (…) Menduam se ra rrufeja! Kishte një erë gazi në rrugë”, tha një banor i zonës për gazetën Liberation.
Forca të forta zjarrfikëse kanë mbërritur në vendngjarje dhe kanë evakuuar zonën.
