Arrestohen dy persona në Tiranë pasi dyshohet se posedonin dy granata dore.
Granatat iu gjetën personit që ishte në vendin e pasagjerit, por bashkë me të u arrestua edhe shoferi për mokallëzim krimi.
Sipas informacioneve nga Policia e Shtetit, ata ishin banues në Pogradec dhe ndalimi i tyre u bë pranë Pallatit me Shigjeta, në Tiranë.
Të arrestuarit ishin shtetasit K.H 27-vjeç dhe F.Z 44-vjeç.
Njoftimi i Policisë:
Vijojnë kontrollet për parandalimin dhe goditjen e veprimtarisë kriminale në çdo fushë të saj.
Parandalohet një ngjarje e mundshme kriminale. Shërbimet e Komisariatit të Policisë Nr. 2 vënë në pranga një shtetas që qarkullonte si pasagjer në një automjet me dy granata dore me vete.
Në pranga dhe drejtuesi i automjetit për veprën penale “Moskallëzim krimi”.
Sekuestrohen 2 granata dore.
Sherbimet e Komisariatit të Policisë Nr. 2, në vijim të punës për rritjen e parametrave të sigurisë, si rezultat i kontrolleve të shtuara për kapjen e personave që qarkullojnë me sende të kundraligjshme me vete, bazuar dhe në informacionet e marra në rrugë operative, në vendin e quajtur “Pallati me Shigjeta” kanë ndaluar për kontroll mjetin tip “Volksëagen Golf” me drejtues shtetasin F. L dhe pasagjer K. H.
Gjatë kontrollit të ushtruar në mjet, poshtë sediljes së pasagjerit ku ndodhej shtetasi K. H, sherbimet e Policisë gjetën dhe sekuestruan dy granata dore.
Në përfundim të veprimeve, specialistët bënë arrestimin në flagrancë për veprën penale “Mbajtja pa leje dhe prodhimi i armëve shpërthyese dhe municionit” të shtetasit K. H., 27 vjeç, banues në Pogradec dhe për veprën penale “Moskallëzim i krimit” shtetasin F. Z., 44 vjeç, banues në Pogradec.
Materialet procedurale iu referuan Prokurorisë, për veprime të mëtejshme./albeu.com
