Pas përfundimit të fjalimeve para Kryeministrisë, në ditën e 90-të të qëndresës qytetare, protestuesit janë nisur në marshim përgjatë bulevardit “Dëshmorët e Kombit”. Lëvizja e tyre pritet të vijojë edhe në akset kryesore të kryeqytetit.
Me pankarta në duar dhe duke brohoritur, qytetarët janë larguar nga sheshi përpara godinës së qeverisë për të bllokuar simbolikisht rrugët kryesore të Tiranës.
Të lidhura
None found
Gjatë marshimit janë dëgjuar thirrje të forta drejtuar të gjithë aktorëve politikë në vend, mes tyre “Ju erdhi fundi!” dhe “Rama në burg, Berisha në burg!”. Protestuesit kanë përsëritur kërkesat për rrëzimin e qeverisë, reformimin e sistemit dhe largimin e elitës së vjetër politike.
