Ilir Selmani, i shoqëruar nën masa të rrepta sigurie, u soll në apelin e GJKKO. Ai akuzohet si anëtar i të ashtuquajturit ‘klani Duka’ dhe për përfshirje në eliminimin e ish-policit Santiago Malko, që cilësohej si njeriu i besuar i Ervis Martinajt.
Seanca e posaçme ka nisur rreth orës 14:30, ku Prokuroria e Posaçme kundër Korrupsionit dhe Krimit të Organizuar pretendon një dënim prej 28 vjetësh burg. Pak kohë më parë, Selmani ishte lënë në masën e arrestit shtëpiak pasi kishin skaduar afatet e paraburgimit.
Të lidhura
None found
Gjykata e Shkallës së Parë e ka shpallur fajtor Selmanin si pjesë të ‘Klanit Duka’, grup ky që sipas organeve të ndjekjes penale përgatiti dhe kreu vrasjen e ish-policit Santiago Malko në gushtin e vitit 2019 në kryeqytet. Malko njihej si bashkëpunëtori kryesor i Ervis Martinajt, për të cilin nuk ka asnjë gjurmë që nga viti 2022.
Vetëm disa ditë më parë, në afërsi të shtëpisë së tij të mbikëqyrur nga një numër i madh efektivësh, u vu në pranga me armë Emiljano Nina, personazh që vlerësohet si një figurë e afërt e grupit të Ervis Martinajt. Ky fakt ka shtuar dyshimet e hetuesve se mund të ishte në përgatitje një sulm për hakmarrje.
