Ministria e Shëndetësisë në Maqedoninë e Veriut, ka marrë letrën nga Komiteti për imunizim, në të cilën rekomandohet doza e tretë e vaksinës kundër COVID-19.
Ministri Venko Filipçe tha se, vaksinimi me dozën e tretë do të fillojë nga kjo javë.
Ai shtoi se vaksinat janë të sigurta dhe se nga më tepër se një milion të aplikuara, nuk ka komplikime serioze.
“Rekomandimi nga Komiteti për imunizim për dozën e tretë të vaksinës është për personat që janë me imunitet të komprometuar. Kjo bëhet sipas rekomandimeve të institucioneve shëndetësore në SHBA. Rekomandimi ka ardhur sot, do të zyrtarizohet dhe gjatë kësaj jave do të fillojë zbatimi”, tha Filipçe.
