Macron dërgon një anije spitalore të marinës franceze në Rripin e Gazës

Dërgimi i një anijeje të marinës franceze në Rripin e Gazës, me qëllim të ndihmës në punën e spitaleve në rajon, u njoftua sot nga Egjipti, ku Emmanuel Macron po bën një vizitë zyrtare.

Sipas presidentit francez, kjo anije spitalore do të lundrojë nga porti i Toulon brenda 48 orëve të ardhshme.

Franca do të dërgonte gjithashtu një aeroplan me pajisje mjekësore në Egjipt për t’u transportuar në territorin palestinez të shkatërruar nga lufta.