Lufta në lindje, reagon për herë të parë Angela Merkel

Teksa ka shkuar në 200 numri i viktimave si pasojë e konfliktit Palestinë-Izrael, ka reaguar dhe Kancelarja gjermane Angela Merkel.

Kancelarja u ka bërë thirrje palëve për t’i dhënë fund konfliktit ushtarak sa më shpejt të jetë e mundur. Këtë thirrje kancelarja gjermane e ka bërë ndërkohë që ka folur sot me kryeministrin izraelit Benjamin Netanyahu.

Megjithatë, ajo shprehu solidaritetin e Gjermanisë me Izraelin në konflikt.

“Kancelarja përsëri dënoi ashpër sulmet e vazhdueshme me raketa nga Gaza ndaj Izraelit dhe siguroi kryeministrin për solidaritetin e qeverisë gjermane. Ajo riafirmoi të drejtën e Izraelit për t’u mbrojtur nga sulmet,” tha zëdhënësi i saj, Steffen Seibert.

Deklarata shtoi se duke pasur parasysh viktimat civile nga të dy palët, Merkel “shprehu shpresën e saj se luftimet do të përfundojnë sa më shpejt të jetë e mundur”.

Shtuar 17.05.2021 05:05