Forcat ukrainase kanë rifituar kontrollin e plotë të qytetit të Balaklia, njoftoi zëvendësministrja e Mbrojtjes e Ukrainës, Hana Maliar, disa orë pasi Rusia njoftoi tërheqjen e forcave të saj.
Në të njëjtën kohë, kreu i administratës së zonave të pushtuara nga Rusia të rajonit të Kharkiv, i cili është emëruar nga autoritetet pushtuese, rekomandoi sot për të gjithë banorët që të largohen në territorin rus, në rajonin e Belgorodit”, raportoi agjencia TASS.
Të lidhura
None found
Vitaly Gadchev shtoi se “përfaqësuesit zyrtarë” janë të gatshëm në tokën ruse për t’u ofruar refugjatëve ushqim, ngrohje dhe kujdes mjekësor, sipas agjencisë ruse.
Ministria e Mbrojtjes e Rusisë tha se po tërhiqte trupat ruse nga Izium dhe Balaklia, qendrat strategjike të furnizimit në rajonin e Kharkiv, pasi linjat e mbrojtjes ruse u shembën ndërsa forcat ukrainase përparuan në një kundërofensivë në shkallë të gjerë./albeu.com
