Një automjet është përfshirë në një atentat me armë zjarri pasditen e kësaj të shtune në Lezhë. Nga të shtënat nuk raportohet për persona të lënduar.
Policia bën me dije se rreth orës 18:00, shtetasi Gj. Gj., që udhëtonte me një “Audi”, ka qëlluar në drejtim të një tjetër automjeti të së njëjtës markë, i cili ishte në lëvizje dhe drejtohej nga M. J., 30 vjeç, banues në Rubik.
Të lidhura
None found
Kontrollet dhe verifikimet e para të kryera nga autoritetet konfirmuan se plumbat nuk kanë shkaktuar dëmtime në njerëz.
Autori i dyshuar është identifikuar dhe vijon të jetë në kërkim nga shërbimet e Policisë. Ndërkohë, grupi hetimor po punon në vendin e ngjarjes, nën drejtimin e Prokurorisë, për të sqaruar rrethanat dhe për të dokumentuar ligjërisht rastin.
