Gjykata Ndërkombëtare Penale ka lëshuar këtë të premte urdhërarrestin për presidentin rus, Vladimir Putin, për krimet e kryera në Ukrainë.
Sipas Sky Neës në urdhrin e Gjykatës theksohet se: “presidenti rus dyshohet se është përgjegjës për krimin e luftës të dëbimit të paligjshëm të popullsisë (fëmijëve) dhe atë të transferimit të paligjshëm të popullsisë (fëmijëve) nga zonat e okupuara të Ukrainës në Federatën Ruse”.
Ajo lëshoi gjithashtu një urdhër arresti për Maria Alekseyevna Lvova-Belova, komisionerja ruse për të drejtat e fëmijëve, për akuza të ngjashme.
Moska ka mohuar akuzat për krime lufte që kur pushtoi Ukrainën në shkurt të vitit të kaluar.