Gjashtë persona të shpallur në kërkim janë kapur në Durrës dhe zonat përreth, për vepra të ndryshme penale, që nga prodhimi dhe shitja e narkotikëve, kalimet e paligjshme të kufirit, vjedhja, mashtrimi dhe kundërshtimi i policisë.
A. K., 35 vjeç, banues në Durrës, ishte dënuar më herët me 5 vjet e 6 muaj burg për prodhim dhe shitje narkotikësh. Atij i kishin mbetur për të vuajtur 2 vjet e 9 muaj burg.
J. M., 27 vjeç, banues në Durrës, kishte një dënim të formës së prerë me 3 vjet e 4 muaj burg për dhënie ndihme për kalim të paligjshëm të kufirit.
V. T., 45 vjeç, ishte në kërkim për vjedhje dhe ndaj tij ishte vendosur masa “arrest në burg”.
E. S., 35 vjeç, banues në Laç, kërkohej për mashtrim.
B. D., 33 vjeç, banues në Kavajë, ishte në kërkim për kundërshtim të punonjësit të policisë dhe u procedua në gjendje të lirë.
Një tjetër shtetas, E. S., 35 vjeç, banues në Durrës, kërkohej për mashtrim nga policia e Korçës dhe u procedua në gjendje të lirë.
Hetimet vijojnë për kapjen e personave të tjerë në kërkim, ndërsa dosjet janë dërguar në Prokurorinë e Durrësit.
Njoftimi i policisë:
DVP Durrës / Lokalizohen dhe kapen 6 shtetas të shpallur në kërkim:
✅ 2 prej tyre të dënuar për prodhim/shitje narkotikësh dhe dhënie ndihme për kalim të paligjshëm të kufirit;
✅ 1 shtetas i akuzuar për vjedhje;
✅ si dhe 3 të tjerë të dyshuar për veprat penale “Mashtrimi”, “Mashtrimi i kryer në bashkëpunim” dhe “Kundërshtimi i punonjësit të policisë së rendit publik”.
Si rezultat i kontrolleve dhe punës operative, të kryera me qëllim lokalizimin dhe kapjen e shtetasve të kërkuar për vepra penale të ndryshme, specialistët e Seksionit për Mbështetjen Operacionale të Hetimit, në kuadër të operacionit “Ndjekja”, lokalizuan, kapën dhe vunë në pranga shtetasit:
Abdyl Kaçaça, 35 vjeç, banues në Durrës, të cilin Gjykata e Apelit, në vitin 2024, e ka dënuar me 5 vjet e 6 muaj burgim, për veprën penale “Prodhimi dhe shitja e narkotikëve”. Prej dënimit, atij i kanë mbetur për të vuajtur 2 vjet e 9 muaj burgim;
Jorid Muçeku, 27 vjeç, banues në Durrës, i cili me vendim të formës së prerë të Gjykatës së Shkallës së Parë të Juridiksionit të Përgjithshëm Elbasan ka për të vuajtur 3 vjet e 4 muaj burgim, për veprën penale “Ndihma për kalim të paligjshëm të kufijve”;
V. T., 45 vjeç, për të cilin Gjykata e Durrësit ka caktuar masën e sigurisë “Arrest në burg”, për veprën penale “Vjedhja”;
E. S., alias E.H, 35 vjeç, banues në Laç, për veprën penale “Mashtrimi”;
B. D., 33 vjeç, banues në Kavajë, për veprën penale “Kundërshtimi i punonjësit të policisë së rendit publik”, i cili në përfundim të veprimeve është proceduar penalisht në gjendje të lirë.
E. S., 35 vjeç, banues në Durrës, i shpallur në kërkim nga Drejtoria Vendore e Policisë Korçë, për veprën penale “Mashtrimi”, i cili i cili në përfundim të veprimeve është proceduar penalisht në gjendje të lirë.
Vijon puna për kapjen e personave të tjerë të shpallur në kërkim.
Materialet procedurale iu referuan Prokurorisë së Durrësit, për veprime të mëtejshme.
