Ky është 43 vjeçari Aleksandër Deda që i shpëtoi atentatit për herë të dytë mbrëmjen e sotme. Një vit më parë Deda i shpëtoi një tjetër atentati.
Si ndodhi ngjarja?
Në autostradën Lezhë-Laç, iu bë atentat biznesmenit Aleksandër Deda herën e parë.
Gazetari Gjergj Figuri bëri me dije se ndaj biznesmenit u qëllua me breshëri automatiku në momentin që ai ka qenë në lëvizje. Plumbat e kanë kapur në pjesën e shpatullës, por 42 vjeçari dhe pse i plagosur ka vijuar rrugën, ndërsa autorët e kanë ndjekur nga pas për pak kilometra.
Gjatë kësaj kohe Deda ka telefonuar familjarët e tij dhe i ka vënë në dijeni për atentatin dhe ka mundur të udhëtojë deri në lagjen Gurra të qytetit të Lezhës ku dhe ka ndaluar. Ndërkohë autorët janë larguar me shpejtësi duke djegur makinën vetëm disa minuta më pas pranë rrugës kryesore në fshatin Zejmen. Brenda “Audi”-it të autorëve u gjet një armë zjarri, ndërsa targa ishte hequr.
