Në një kohë që situatë në lindje është e tensionuar dhe pritet që nga momenti në moment të shpërthejë lufta mes Rusisë e Ukrainës, ka ardhur edhe reagimi i Ambasadës Amerikane në Tiranë.
Me anë të një postimi në rrjetet sociale Ambasada amerikane në Tiranë shkruan se konflikti ruso-ukrainas, mund të duket si një mosmarrëveshje e largët rajonale apo një tjetër shembull i persekutimit rus, por janë në rrezik parimet të cilat e kanë bërë botën më të sigurt dhe më të qëndrueshme për dekada.
Ky është një citim i Sekretari të Shtetit Antony Blinken, që Ambasada e SHBA ka zgjedhur ta publikojë, në kuadër të reagimeve për konfliktin në Ukrainë.
“Nëse Rusia pushton dhe zapton Ukrainën, çfarë vjen më pas? Mund të duket si një mosmarrëveshje e largët rajonale apo një tjetër shembull i persekutimit rus. Por janë në rrezik parimet të cilat e kanë bërë botën më të sigurt dhe më të qëndrueshme për dekada.” Sekretari i Shtetit Antony Blinken./albeu.com/
