I ftuar në emisionin Prime News24, deputeti i Partisë Demokratike, Saimir Korreshi, reagoi ndaj deklaratës së kryeministrit Edi Rama se prindërit e studentëve duhet të paguajnë për dëmet e shkaktuara nga protestuesit.
Korreshi e sfidoi kreun e qeverisë me pyetjen se kush do të përgjigjet për miliardat që, sipas tij, janë vjedhur nga Balluku dhe bashkëpunëtorët e saj.
Të lidhura
None found
Deputeti demokrat deklaroi se fondet e përfituara në mënyrë të paligjshme nga kjo qeveri do të mjaftonin për të përmbushur kërkesat e studentëve dhe për ta bërë Shqipërinë një vend shumë më të mirë.
Saimir Korreshi: Në Europë shkohet duke ua marrë paratë atyre që i kanë vjedhur.
Kryeministri u tha adoleshentëve se prindërit e tyre do të paguajnë për pllakat e trotuarit. Por kush do t’ia marrë Ballukut dhe taborit të saj miliardat e eurove që i kanë shkaktuar dëm shtetit? Kush do t’i paguajë ato? KLSH-ja thotë se janë vjedhur miliarda euro. Kjo qeveri duhet të rikthejë paratë që janë grabitur.
Sipas Korreshit, me paratë e vjedhura nga kjo qeveri, studentët do të mund të qëndronin 50 vite në konvikte.
