Policia e Bulqizës ka arrestuar një 19-vjeçar, për kultivim të lëndëve narkotike. Sipas uniformave blu është prangosur L. Xh., 19 vjeç, banues në Bulqizë, pasi dyshohet se është autori i kultivimit të disa bimëve narkotike në vendin e quajtur ‘Lugu i Menës’.
Gjatë kontrollit të imtësishëm të vendit të ngjarjes u gjet e fshehur dhe u sekuestrua një armë gjahu që 19-vjeçari e posedonte pa leje dhe 2 telefona celularë
Të lidhura
None found
NJOFTIMI I PLOTË:
Në Bulqizë goditet një rast i tentativës për kultivim të bimëve narkotike, arrestohet në flagrancë autori.
Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, kapjen e personave në kërkim apo të atyre që mbajnë apo qarkullojnë me armë zjarri pa leje, shërbimet e Komisariatit të Policisë Bulqizë, në bashkëpunim me strukturat e DVP Dibër, si rezultat i kontrollit të territorit kanë evidentuar dhe goditur një rast të tentativës për kultivim të kanabisit në një zonë pyjore në Fushë-Bulqizë.
Në vijim të veprimeve, specialistët për Hetimin e Krimit në Komisariatin e Policisë Bulqizë, arrestuan në flagrancë shtetasin L. Xh., 19 vjeç, banues në Bulqizë, pasi dyshohet se është autori i kultivimit të disa bimëve narkotike në vendin e quajtur ‘Lugu i Menës’.
Gjatë kontrollit të imtësishëm të vendit të ngjarjes u gjet e fshehur dhe u sekuestrua një armë gjahu që 19-vjeçari e posedonte pa leje dhe 2 telefona celularë.
