Ditën e sotme, Këshilli Kombëtar i Partisë Demokratike, zhvilloi mbledhjen ku u votua për disa prej posteve më të rëndësishme, përfshirë edhe atë të Sekretarit të Përgjithshëm.
Në garën për pozicionin e dytë më të lartë në parti, Flamur Noka, kërkonte një tjetër mandat, ndërsa përballë tij kandidonte Saimir Korreshi. Debatet dhe pakënaqësitë që shoqëruan procesin duket se u reflektuan edhe në fletët e votimit.
Të lidhura
None found
Fotot e siguruara nga Top Channel, tregojnë disa fletë ku anëtarët kanë vendosur një kryq të madh mbi emrat e të dy kandidatëve, si shenjë e pakënaqësisë së tyre.
Në përfundim të votimit, Noka u konfirmua sërish në detyrën e Sekretarit të Përgjithshëm, duke marrë një tjetër mandat 4-vjeçar si numri dy i Partisë Demokratike.
