KRYESIA E KUVENDIT Archives - Albeu.com

Gazment Bardhi i thirri në mbledhje, Garda nuk lejon Edmond Spahon të hyjë në Kryesinë e Kuvendit

Xh — Mon, 13 Nov 2023 11:06:38 +0000

Deputeti demokrat Edmond Spaho nuk është lejuar nga Garda e Republikës që të hyjë në Kryesinë e Kuvendit.

Ai është paraqitur sipas njoftimit të Gazment Bardhit në Kryesi, por Garda nuk e ka lejuar të kalojë pasi Spaho vazhdon të jetë i përjashtuar nga jeta parlamentare pas vendimit të Etikës.

Ditën e djeshme Bardhi lajmëroi deputetët demokratë për mbledhjen.

“Të nderuar kolegë, Nesër, e hënë, ora 12:00, mbledhje e grupit në sallën e grupit në Kryesinë e Kuvendit. Ju falenderoj”, thuhej në mesazhin e Bardhit.

Aktualisht janë 6 deputetë të përjashtuar të cilët nuk do të lejohen të marrin pjesë në mbledhje. Përjashtimi i tyre erdhi pas tensioneve të krijuara në seancën e fundit plenare.

Saimir Korreshi, Elda Hoti, Lindita Metaliaj, Ervin Salianji, Petrit Doda dhe Edmond Spaho janë përjashtuar me vendim të Komisionit të Etikës.

/albeu.com

The post Gazment Bardhi i thirri në mbledhje, Garda nuk lejon Edmond Spahon të hyjë në Kryesinë e Kuvendit appeared first on Albeu.com.

VIDEO/ Tensione para Kryesisë së Kuvendit, Garda nuk lejon demokratët të hyjnë në godinë, Noka kapërcen kangjellat

Xh — Mon, 06 Nov 2023 09:26:54 +0000

Deputetët e përjashtuar të opozitës nuk janë lejuar të hyjnë në Kuvend ditën e sotme, 6 nëntor. Kjo ka sjellë tensione para Kryesisë, me deputetët demokratë të cilët i kërkojnë punonjësve të Gardës që të hapin derën.

“Hap derën, kush je ti që pengon deputetët”, dëgjohet të thotë Gazment Bardhi.

Ndërsa Flamur Noka ka kapërcyer kangjellat dhe ka arritur që të hyjë në ambientet e brendshme të Kuvendit.

Ditën e sotme, Gazment Bardhi ka thirrur në një mbledhje grupin e deputetëve në Kryesinë e Kuvendit, dhe kjo ka bërë që të ketë tensione mes dy palëve.

Garda nuk ka lejuar të hyjnë në Kryesi 8 deputetët e përjashtuar për shkak të kaosit të krijuar në seancën e fundit parlamentare të 30 tetorit.

Për shkak të përplasjeve, janë në total 8 deputetë të opozitës të përjashtuar nga punimet e Kuvendit.

Të premten u përjashtuan me 10 ditë Ervin Salianji që ndezi tymuese rozë e mavi në seancë plenare, Petrit Doda dhe Edmond Spaho, ndërsa pas seancës me përplasje fizike të 30 tetorit u përjashtuan kreu i grupit Gazment Bardhi, Bledion Nallbati, Edi Paloka, Flamur Noka, Albana Vokshi./albeu.com

The post VIDEO/ Tensione para Kryesisë së Kuvendit, Garda nuk lejon demokratët të hyjnë në godinë, Noka kapërcen kangjellat appeared first on Albeu.com.

Deputetët e opozitës konfrontohen me Gardën te Kryesia e Kuvendit, hyjnë me forcë në zyrën e Lindita Nikollës

E B — Wed, 01 Nov 2023 12:24:34 +0000

Deputetët e opozitës janë penguar nga garda të futen në ambientet e mbledhjes së Konferencës së Kryetarëve. Ata janë konfrontuar me efektivët, të cilët nuk i kanë lejuar të kalojnë shkallët për të hyrë në mbledhjen ku do raportojë ministri i Financave për buxhetin e ri. Më pas deputetët kanë shkuar në grup në zyrën [...]

“Këta janë pushtetarë”, Berisha tregon pse opozita bllokoi punimet në Kryesinë e Kuvendit

E B — Wed, 01 Nov 2023 10:41:37 +0000

Ish-kryeministri Sali Berisha deklaroi se kryeministri Edi Rama e konsideron opozitën si armike.

Berisha tha jashtë Kryesisë së Kuvendit se beteja që ka nisur opozita, është betejë për qytetarët.

“A ka gjë më absurde se sa të privosh deputetët nga atributi i tyre kryesor kushtetues i tyre, e drejta ligjbërëse. Këtë të drejtë e ka kryeministri i vendit, Kuvendi, 20 mijë qytetarë. Këtë të drejtë Linda e parlamentit ua heq deputetëve. Nuk mund të pranohet kurrë që t’u mohohet e drejta e ngritjes së komisioneve parlamentare. Do të më falni pak këtu.

Neni 77 i Kushtetutës thotë në pikën 2; kuvendi ka të drejtë që me kërkesë të ¼ të anëtarëve të tij, është i detyruar që të caktojë Komsion Hetimi për të shqyrtuar një çështje të veçantë.

Janë mohuar që të 8 komisionet, në mënyrë jo demokratike. Po pse janë deputetët e opozitës në Parlament? Çfarë kanë qenë këto objektet e hetimeve? Kanë qenë koncesionet, sterizilimet, të cilat Rama me Beqjan e tij ia dhunuan kompanisë së vetë mjediset dhe aparaturat e blera. Duke deklaruar se kjo do të rriste cilësinë e sterilizimit.

E kanë bërë sterilizimin dy herë më të shtrenjtë se Gjermania. A nuk kanë të drejtë qytetarët që të dinë të vërtetën e kësaj gjobe të tmerrshme prej 100 mln euro. Mijëra shqiptarë nuk u operuan për pamundësinë e mungesës së veglave mjekësore. S’bëjnë dot analiza se i kanë marrë njerëzit e Ramës laboratorët. A nuk kanë të drejtë qytetarët të dinë se pse janë kështu spitalet.

Pse jemi ne në Parlament? Këta kanë pushtuar. As pushtuesi nuk mund të sillej në këtë mënyrë. A nuk presin qytetarët që të dinë lidhjen e Ramës me McGonigal? Po në dosjen shqiptare kush është protagonist?”, tha ai.

The post “Këta janë pushtetarë”, Berisha tregon pse opozita bllokoi punimet në Kryesinë e Kuvendit appeared first on Albeu.com.

Ambasadorja e SHBA “zbarkon” te Kryesia e Kuvendit

E B — Fri, 17 Feb 2023 10:27:34 +0000

Ambasadorja e Shteteve të Bashkuara të Amerikës në Tiranë, Yuri Kim, ka shkuar sot Kryesinë e Kuvendit.

Kim shoqërohej nga Dilawar Syed, përfaqësues Special për Çështjet Tregtare dhe të biznesit në Departamentin e Shtetit.

Mësohet se ata po takohen me kryetarë dhe nënkryetarë të Komisionit të Jashtëm, të Integrimit dhe ata të Ekonomisë.

Nuk dihet nëse do të diskutohet edhe situata në Kuvend, pasi vjen fill pas seancës së djeshme ku ka pasur një kaos të vërtetë me orë të tëra dhe me përjashtime të deputetëve./albeu.com

The post Ambasadorja e SHBA “zbarkon” te Kryesia e Kuvendit appeared first on Albeu.com.

Ambasadorja Kim mbërrin në kryesinë e Kuvendit, do të takohet kreun e komisionit të Ekonomisë

E S — Fri, 07 Oct 2022 09:41:37 +0000

Ambsadorja amerikane në Shqipëri, Yuri Kim vijon takimet me personalitete të politikës në vend, ndërsa sot ka mbërritur në ambientet e Kryesisë së Kuvendit. Mësohet se Kim do të takojë kryetarin e Komisionit të Ekonomisë, Eduard Shalsin dhe me nën kryetaren, Sorina Kotin, deputeten e Partisë Demokratike. Në fokus të bisedës pritet të jetë amnistia [...]

Pas 40 minutash, përfundon takimi i Yuri Kim dhe Tabakut në Kryesinë e Kuvendit

E S — Tue, 27 Sep 2022 15:19:41 +0000

Ambasadorja amerikane në Tiranë, Yuri Kim zhvilloi sot një takim me deputetet Jorida Tabakun dhe Etilda Gjonaj në Kryesinë e Kuvendit.

Ky takim mes zyrtares amerikane mes Tabakut dhe Gjonajt zgjati rreth 40 minuta.

Në fokus të takimit ka qenë integrimi evropian i vendit tonë si dhe përafrimi i legjislacionit shqiptar dhe atë të Evropës.

Kujtojmë se sot Shqipëria pas hapjes së negociatave në korrik, ka nisur në Bruksel negocimin e grupit të kapitujve themelorë, me fokus Kapitullin 23 “Gjyqësori dhe të drejtat themelore”.

The post Pas 40 minutash, përfundon takimi i Yuri Kim dhe Tabakut në Kryesinë e Kuvendit appeared first on Albeu.com.

Ambasadorja Yuri Kim takohet me Tabakun në Kryesinë e Kuvendit

E S — Tue, 27 Sep 2022 14:23:13 +0000

Ambasadorja amerikane në vendin tonë Yuri Kim ka shkuar në Kryesinë e Kuvendit ku do të takohet me deputeten e Partisë Demokratike, Jorida Tabakun. Në fokus të takimit do të jetë integrimi evropian i vendit tonë. Gjithashtu do të diskutohet per përafrimin e legjislacionit shqiptar dhe atë të Evropës. Nuk dihet nëse pas përfundimit të [...]

“Ejani në PD”, Basha: Muajt në vijim do të jenë të vrullshëm

E B — Fri, 18 Jun 2021 10:57:32 +0000

Gjatë fjalës së tij në Kryesinë e Kuvendit kryetari I PD-së Lulzim Basha është shprehur se muaj në vijim do të jenë të vrullshëm dhe u ka bërë thirrje shqiptarëve t’i bashkohen partisë së tij për të ndryshuar realitetin.

Basha gjithashtu tha se, ai dhe PD do ta o ta forcojë dhe thellojë aleancën me shoqerinë.

“Muajt në vijim do të jenë të vrullshëm, sepse e tillë është beteja që na pret. Ne jemi të vetëdijshëm që ato që janë në dorën tonë për t’u përmirësuar duhen të përmirësohen një orë e më parë, sepse cdo ditë e humbur, cdo ditë që nuk përdoret për përsosjen e PD, është një ditë pushtetit që i dhurojmë armikut të demokracisë. Shqiptarët na dhanë një fuqi edhe më të madhe në 25 prill, demokratët mbështetën vizionin që ju parashtrova gjatë kësaj gare, ndaj detyra jonë është t’i përgjigjemi kësaj mbështetje të sqhiptarëve dhe demokratëve duke treguar që jemi dhe do të mbetemi një parti e shoqërisë, një parti e hapur. Ndaj detyra ime është që në përgjigje të kësaj mbështetje shoqërore që morëm, pa asnjë pushtet, të jemi edhe më të hapur edhe më pranë shoqërisë, t’i shtrijmë dorën e bashkëpunimit shoqërisë dhe t’ju them ejani ta ndryshojmë bashkë këtë realitet, ejani ta rrëzojmë bashkë këtë regjim armik të demokracisë, ejani në PD dhe ta ndërtojmë bashkë një të ardhme më të mirë për vendin! Ne do ta forcojme dhe thellojme aleancën me njerezit dhe grupet e interesit duke i përfshirë ata më shumë në vendimmarrje.

Kjo është detyra jonë. Përballë kemi një kundërshtar që e ka përcaktuar qartë aleancën e tij, atë me krimin dhe oligarikinë, ne kemi një mision më të madh, të marrim me vete shumicën dërrmuese të shqiptarëve që duan ndryshimin, duan demokracinë dhe shohin te ne shpresën e vetme për realizimin e tyre. Ne e kemi bërë këtë përpara 25 prillit, kontratat me grupet e interesit etj, ne do ta vazhdojmë edhe emë tëj duke u bërë zëri i çdo shqiptari. Do të kemi platforma politike për përfshirjen e tyre në vendimmarrje dhe po ashtu do të mundësojmë nëpërmjet iniciativave ligjore ndryshime që të mundësojnë përfaqësim më të mirë, më të denj dhe më demorkatike. Ne kemi lindur si partia e njerëzve të lirë, përgjegjësia dhe misioni ynë mbetet shërbimi ndaj njerëzve për të sjellë liri dhe demokraci për të gjithë, në këto ditë të vëshitra për vendin, kjo arrihet vetëm duke i përfshirë edhe më shumë njerëzit, duke I dhënë zë më të fortë rolit të tyre në parti dhe në shoqëri. Ky duhet të jetë synimi ynë dhe bashkë, demokratë dhe qytetarë të thejeshtë, do ta bëjmë realitet”, tha Basha./albeu.com

The post “Ejani në PD”, Basha: Muajt në vijim do të jenë të vrullshëm appeared first on Albeu.com.