KQZ ka vendosur regjistrimin e PD-së të drejtuar nga Lulzim Basha në zgjedhjet e 24 shtatorit në Kukës, që do të mbahen pas videoskandalit erotik të ish-kryebashkiakut Safet Gjici.
Kreu i KQZ-së, Ilirjan Celibashi tha se kërkesa e Lulzim Bashës plotëson kërkesat e Kodit Zgjedhor dhe ligjit për partitë politike. Ai tha se KQZ e ka të pamundur të bëjë shqyrtim të procesit vendimmarrës të një partie politike. Sipas tij, KQZ është e detyruar të shohë kërkesën në aspektin formal.
“Basha ka legjitimitetin të paraqesë kërkesën për regjistrim në zgjedhje si subjekt zgjedhor”, tha ai.
