Kategoria e Parë Archives - Albeu.com

Gati për të ngritur trofeun e kampionit, Elbasani njoftim të rëndësishëm për tifozët

S SH — Tue, 07 May 2024 18:02:49 +0000

Ditën e enjte Elbasani dhe Bylisi do të përplasen mes tyre në sfidën e fundit në Kategorinë e Parë. Takim i cili do të startojë në orën 17:00 në “Elbasan Arena”.

Një sfidë ku skuadra e Nevil Dedes do të synojë ta mbyllë me fitore këtë sezon, ndërsa bashkë me tifozët do ta kthejnë në një ditë feste.

Pikërisht të enjten do t’iu dorëzohet edhe trofeu i titullit dhe për këtë mbështetja e tifozëve nuk pritet të mungojë.

Klubi ka nxjerrë në shitje edhe biletat ndërsa ka publikuar çmimet e tyre në faqen zyrtare. Sektori C i ultrasve kushton vetëm 100 lekë, ndërsa ‘karshia’ 500 lekë.

Tribuna kryesore dhe ajo VIP do të shiten për 500 dhe 1000 lekë. Biletat mund të blihen në sportelet e stadiumit ose në fan shopet e ekipit.

View this post on Instagram

A post shared by AF Elbasani (@afelbasani)

The post Gati për të ngritur trofeun e kampionit, Elbasani njoftim të rëndësishëm për tifozët appeared first on Albeu.com.

Bora mbulon fushën e stadiumit, shtyhet ndeshja e Kategorisë së Parë

S SH — Sun, 21 Apr 2024 14:32:32 +0000

Departamenti i Garave në FSHF bën me dije se ndeshja e javës së 30-të të Kategorisë së Parë, Korabi – Luzi nuk do të luhet sot për shkak të kushteve të rënduara atmosferike dhe reshjeve të dëborës në qytetin e Peshkopisë.

Ndeshja e javës së 30-të Korabi – Luzi do të spostohet për t’u luajtur ditën e mërkurë më datë 24 prill, në orën 15:00.

Ky vendim është marrë në konsensus të plotë me dy klubet e Kategorisë së Parë që ndeshja të luhet në kushte sa më të mira dhe optimale.

The post Bora mbulon fushën e stadiumit, shtyhet ndeshja e Kategorisë së Parë appeared first on Albeu.com.

Java e 27-të premton spektakël, Kategoria e Parë nesër merr skenën

S SH — Sat, 30 Mar 2024 13:10:47 +0000

Nuk ka shumë kohë për të pushuar për Kategorinë e Parë. Skuadrat ditën e nesërme do të zbresin në fushë për të bërë mes tyre llogaritë e javës së 27-të të saj.

12 ekipe do të “luftojnë” mes tyre për 3 pikët e kësaj jave, ku të gjitha ndeshjet do të luhet në të njëjtën orë, 14:00.

Bylisi do të presë Kastriotin në “Adush Muça”, ndërsa Korabi udhëton në transfertë për të sfiduar Vorën.

Një tjerët duel interesant është përballja mes Flamurtarit dhe Apolonisë, ndërsa Luzi dhe Burreli do të duelojn gjithashtu mes tyre për 3 pikët.

Dy takimet e tjera janë Tomori – Besa dhe Elbasani – Lushnja.

JAVA 27:

Bylis-Kastrioti, 31.03.2024, 14:00

Vora-Korabi, 31.03.2024, 14:00

Flamurtari-Apolonia, 31.03.2024, 14:00

Luzi 2008-Burreli, 31.03.2024, 14:00

Tomori-Besa, 31.03.2024, 14:00

AF Elbasani-Lushnja, 31.03.2024, 18:00

The post Java e 27-të premton spektakël, Kategoria e Parë nesër merr skenën appeared first on Albeu.com.

Superiorja, Kategoria e Parë dhe Kupa vijnë me ndryshime, ndeshjet do të luhen me orar të ri

S SH — Tue, 26 Mar 2024 14:09:47 +0000

FSHF-ja disa ditë më parë ka barë të ditur edhe axhendën e Superiores, Kategorisë së Parë dhe Kupës së Shqipërisë për ndeshjet e ardhshme. Të gjitha ndeshjet vijnë me ndryshime.

Tashmë ekipet do të luajmë me orare të reja. Deri tani sfidat kanë startuar në orën 14:00 dhe në orën 17:00.

Ndërkohë duke filluar nga ndeshjet e javës së 29-të do të luhen në orën 15:00, 18:00 dhe në orën 19:00.

Edhe Kategoria e Parë do të luajë ndeshjet me orar të ri duke nisur që nga java e 27-të.

Ndërkohë edhe gjysmëfinalet e Kupës së Shqipërisë do të luhen në orën 15:00 dhe në orën 18:00.

The post Superiorja, Kategoria e Parë dhe Kupa vijnë me ndryshime, ndeshjet do të luhen me orar të ri appeared first on Albeu.com.

NDESHJET / Kategoria e Parë zbret nesër në fushë, java e 26-të luhet në dy ditë

S SH — Tue, 26 Mar 2024 13:59:01 +0000

Pas ndeshjeve të kombëtareve, fokusi është kthyer në kampionatin shqiptar, ku skuadrat do të luftojnë mes tyre për të siguruaar fitoren. Kategoria e Parë do të zbresë në fushë ditën e nesërme për të zhvilluar kështu ndeshjet e javë së 26-të.

5 ndeshje mjaft interesante do të luhet në orën 14:00. Apolonia do të presë në shtëpi Tomorin, ndërsa Flamurtari udhëton në transfertë për të sfiduar Korabin.

Kastrioti – Elbasani është dueli tjetër mjaft interesant në këtë javë, teksa nga krhau tjetër Bylisi udhëton në transfertë për të sfiduar Burrelin. Takimi tjetër i ditës së nesërme është mes Besës dhe Luzit.

Ndërkohë nga ana tjetër Lushnja- Vora do të luhet ditën e enjte në orën 14:00.

JAVA 26

Apolonia-Tomori, 27.03.2024, 14:00

Korabi-Flamurtari, 27.03.2024, 14:00

Kastrioti-AF Elbasani, 27.03.2024, 14:00

Burreli-Bylis, 27.03.2024, 14:00

Besa-Luzi 2008, 27.03.2024, 14:00

Lushnja-Vora, 28.03.2024, 14:00

The post NDESHJET / Kategoria e Parë zbret nesër në fushë, java e 26-të luhet në dy ditë appeared first on Albeu.com.

Përballje titulli, Bylis “thumbon” nga Elbasan Arena: Kur vijmë ne bohet nami

S SH — Sat, 24 Feb 2024 18:01:18 +0000

Bylis do të presë në shtëpi ditën e hënë Elbasanin për të luajtur ndeshjen e vlefshme për javën e 22-të të Kategorisë së Parë.

Sfida që do të zhvillohet në stadiumin “Adush Muça” do të startojë në orën 13:30.

Një supersfidë, ku luhen edhe fatet e titullit kampion. Bylis mban vendin e parë me 51 pikë, ndërsa Elbasani është i dyti me 2 pikë më pak.

Një ndeshje që pritet të jetë e luftuar me ekipet që kërkojnë me doemos fitoren.

Dy ditë para kësaj sfide nuk kanë munguar as “thumbimet” nga klubi ballshiot.

Me anë të një foto të ekipit të tyre në “Elbasan Arena” të cilën e kanë postuar në faqen zyrtare në Instagram, Bylis vendos edhe një këngë të reperit Noizy, ku një pjesë thotë, “Kur vijmë ne bohet nami”.

Në këtë mënyrë klubi nga Ballshi kërkon që të ndezë supersfidën akoma ma zbritur ekipet në fushën e blertë.

The post Përballje titulli, Bylis “thumbon” nga Elbasan Arena: Kur vijmë ne bohet nami appeared first on Albeu.com.

S’ka pushim për ekipet, në mesjavë luhet Kupa e Shqipërisë, Superiorja dhe Kategoria e Parë

S SH — Mon, 19 Feb 2024 08:01:36 +0000

Një mesjavë e zjarrtë për futbollin shqiptarë, pasi të martën dhe të mërkurën skuadrat do të përplasin brirët mes tyre për llogaritë e Kupës së Shqipërisë, Superiores dhe Kategorisë së Parë.

Fillimisht të martën do të luhen dy nga ndeshjet çerekfinale të Kupës së Shqipërisë. Kukësi – Partizani në orën 13:30 në “Kukës Arena” dhe Teuta – Tirana në “Niko Dovana” në orën 17:00.

Ndërkohë të mërkurën do të luhen dy sfidat e tjera çerekfinale të Kupës së Shqipërisë, sfidat e prapambetura të Superiores dhe Kategorisë së Parë.

Në orën 13:30 do të përballen për llogaritë e Kupës Erzeni – Vllaznia dhe Laçi – Egnatia. Paralelisht do të luhet edhe në Fushë-Krujë sfida e prapambetur e Kategorisë së Parë mes Kastriotit dhe Bylisit.

Po të mërkurën në orën 17:00 do të luhet dueli mes Skënderbeut dhe Dinamos në stadiumin e Korçës, takim i vlefshëm për Superioren.

Kupa e Shqipërisë:
Të martën
Kukësi – Partizani / 13:00

Teuta – Tirana / 17:00

Të mërkurën
Laçi – Egnatia / 13:30

Erzeni – Vllaznia / 13:30

*ndeshje e prapambetur e Superiores- SKËNDERBEU – DINAMO / 17:00

*ndeshje e prapambetur e Kategorissë së Parë – KASTRIOTI – BYLIS / 13:30

The post S’ka pushim për ekipet, në mesjavë luhet Kupa e Shqipërisë, Superiorja dhe Kategoria e Parë appeared first on Albeu.com.

Bëjnë llogaritë për “Play-Off”, Flamurtari di si fitohet ndaj Korabit

S SH — Fri, 16 Feb 2024 12:01:06 +0000

Flamurtari do të presë në shtëpinë e tij skuadrën e Korabit për të bërë mes tyre llogaritë për sfidën e javës së 21-të të Kategorisë së Parë. Një duel që do të luhet ditën e dielë në orën 13:30.

Si vlonjatët ashtu edhe dibranët do të luftojnë “dhëmb për dhëmb” mes tyre për 3 pikët e kësaj jave që kanë shumë të rëndësishme për “Play-Off”. Aktualisht kuqezinjtë renditen në vendin e 4-të me 36 pikë, ndërsa ekipi nga Peshkopia mban vendin e 6-të me 10 pikë më pak.

Flamurtari duket favoritë, pasi edhe statistikat e përballjeve direkte mes tyre anojnë nga vlonjatët. Në 8 sfida të zhvilluara mes Superiores dhe Kategorisë së Parë, 4 ndeshje kanë fituar kuqezinjtë dhe 2 përballje kanë shkuar në favorin e dibranëve.

Ndërkohë dy të tjera janë mbyllur në barazim. Kujtojmë se duelin e fazës së parë mes të dyja skuadrave në këtë sezon e ka fituar Flamurtari me shifrat 2-1, teksa në Vlorë ditën e dielë Korabi do të tentojë “hakmarrjen”. /newsport.al/

The post Bëjnë llogaritë për “Play-Off”, Flamurtari di si fitohet ndaj Korabit appeared first on Albeu.com.

VIDEO / Momente paniku në Kategorinë e Parë, lojtari transportohet me urgjencë në spital pas një përplasje në fushë

S SH — Sat, 10 Feb 2024 16:16:32 +0000

Momente paniku ndodhën në ndeshjen en Kategorisë së Parë mes Korabit dhe Vorës, ku lojtari i kësaj të fundit, Frenklin Ntepeh u dërgua me urgjencë në spital.

Pas një përplasje në minutën e 77’ të takimit, mesfushori përfundoi i shtrirë në tokë dhe u desh ndërhyrja e stafit mjekësor e më pas ambulancës.

Mësohet se nuk ka asgjë serioze për gjendjen shëndetësore të Ntepeh. /panoramasport/

Iframe Generator

The post VIDEO / Momente paniku në Kategorinë e Parë, lojtari transportohet me urgjencë në spital pas një përplasje në fushë appeared first on Albeu.com.

Java 20 luhet në 3 ditë, njihuni me sfidat e Kategorisë së Parë

S SH — Tue, 06 Feb 2024 21:22:47 +0000

Java 20 në Kategorinë e Parë luhet në 3 ditë. Nga data 10 shkurt, të shtunën, deri më 12 shkurt skuadrat do kërkojnë pikët për arritjen e objektivave.

Të gjitha ndeshjet luhen në orën 13:30. Të shtunën luhen 4 ndeshje, ku Korabi pret Vorën, Bylis luan kundër Apolonisë, Elbasani udhëton në Berat për të luajtur përballë Tomorit dhe Flamurtari ndeshet me Burrelin.

Një ditë më vonë, të dielën, Kastrioti përballet me Lushnjën. Sfida që mbyll javën e 20-të është ajo e së hënës mes Luzit dhe Besës.

Java 20:

Korabi-Vora 10.02.2024 13:30

Bylis-Apolonia 10.02.2024 13:30

Tomori-Elbasani 10.02.2024 13:30

Flamurtari-Burreli 10.02.2024 13:30

Kastrioti-Lushnja 11.02.2024 13:30

Luzi 2008-Besa 12.02.2024 13:30

The post Java 20 luhet në 3 ditë, njihuni me sfidat e Kategorisë së Parë appeared first on Albeu.com.