Kancelari i Austrisë, Karl Nehammer, ka treguar arsyet se përse shkoi në Moskë për t’u takuar me presidentin Putin.
Ai tha se vizita e tij në Moskë erdhi pasi pa gjendjen në Ukraië, pasi donte të takonte ballë për ballë presidentin rus.
Të lidhura
None found
“Kam marrë vendimin të shkoj në Moskë, të shikoj në sytë e Presidentit Putin dhe ta përballoj atë me atë që pashë”, tha kancelari në një nintervistë për CNN.
Kur u pyet për mentalitetin e Putinit gjatë takimit, Nehammer tha se Putin ishte shumë i ashpër dhe i qartë në mesazhet e tij.
“Në këndvështrimin e tij, ai duhet të mbrojë Federatën Ruse, rusët që jetojnë në Ukrainën lindore,” tha ai.
Kancelari austriak vazhdoi duke thënë se “nuk është e lehtë për Putinin të flasë për krimet e luftës”, duke shtuar se ai u përball me Putinin për krimet e luftës dhe se i tha atij se është e nevojshme që të ketë drejtësi ndërkombëtare.
I pyetur nëse Putin pranoi se po kryheshin krime lufte, Nehammer u përgjigj: “Epo, e dini, është presidenti Putin. Në këtë pozicion, ai nuk ishte i qartë.”/albeu.com/
