Një aksident rrugor ndodhi pasditen e së martës pranë fshatit Poçem në Mallakastër, ku një kamion që transportonte koshere bletësh doli nga rruga dhe u përmbys.
Për shkak të përmbysjes së mjetit, kosheret pësuan dëmtime dhe bletët u përhapën në rrugë, duke sjellë vështirësi për qarkullimin dhe rrezik për kalimtarët.
Të lidhura
None found
Në vendin e ngjarjes mbërritën shërbimet zjarrfikëse dhe urgjenca mjekësore, të cilat u dhanë ndihmën e parë personave që ndodheshin në kamion në çastin e aksidentit.
Sipas raportimeve, nuk ka persona të lënduar rëndë, ndërsa ngjarja ka shkaktuar vetëm dëme materiale.
Autoritetet vijojnë punën për pastrimin e zonës nga bletët e shpërndara dhe kthimin e situatës në normalitet.
