Jola Hysa, ish-sekretare për Marrëdhëniet me Publikun në Partinë Demokratike, është emëruar në krye të Agjencisë Kombëtare të Turizmit. Në këtë detyrë, ajo zëvendëson Zana Çelën.
Pas më shumë se dy dekadash angazhim politik, Hysa u largua nga Partia Demokratike në mars të këtij viti.
Të lidhura
None found
Në njoftimin për largimin nga PD-ja, ajo ngriti shqetësime lidhur me trajtimin e detyrës së saj si sekretare për Marrëdhëniet me Publikun. Hysa deklaroi se kompetencat konkrete të këtij funksioni ishin reduktuar ndjeshëm, ndërsa përgjegjësia dhe imazhi publik që lidhej me postin vazhdonin të shfrytëzoheshin.
Ajo kundërshtoi gjithashtu, sipas saj, lënien sistematike jashtë përfaqësimit në këshillat bashkiakë të personave me integritet dhe aftësi, si dhe mënyrën se si ishin përpiluar listat e mbyllura për Qarkun e Durrësit.
Hysa e cilësoi mungesën e një hapjeje të vërtetë brenda Partisë Demokratike si problemin kryesor. Ajo theksoi se vendimet me rëndësi shpesh bëheshin të ditura përmes mediave dhe jo nëpërmjet strukturave partiake.
